وقت کی اصل کمائی

پیسہ کمانا کوئی بڑی بات نہیں،اصل کمال تو بندے کمانا ہے۔
ہم اکثر نادانی کر بیٹھتے ہیں؛ مادی چیزوں کو سمیٹنے کی اندھی دوڑ میں انسان کھو دیتے ہیں، دولت بڑھتی رہتی ہے، مگر رشتوں کی روشنی مدھم پڑ جاتی ہے، اور پھر ایک دن یہی مادی اشیاء ہمیں تنہائی اور ڈپریشن کا تحفہ دے دیتی ہیں۔
کسی کا آپ کے لیے فکر مند ہونا، آپ کے حق میں خیر خواہ ہونا ، اور آپ کی زندگی میں ویلیوز ایڈ کرنے کی کوشش کرنا ،یہی آپکے وقت کی اصل کمائی ہے،جو تپتی دھوپ میں سایہ دار درخت کا کام کرتی ہے۔
میری مانیں تو بندے کمائیے؛
ایسے رشتے بنائیے جو آپ کہ لیے فاتحہ خوانی تو کریں ، آپ کو اپنی دعاؤں میں شامل تو رکھیں۔
آپ کے جانے سے دنیا کو فرق پڑے ، یہی وہ سرمایہ ہے جو اگلے جہان میں بھی سرخرو کرے گا اور یادوں میں بھی ہمیشہ زندہ رکھتا ہے۔